Kapitalın idarə edilməsi
Sərvətlərinizi artırmaq və qeydinə qalmaq üçün xüsusi hazırlanmış təkliflər
Risklərin profillənməsi
Biz investisiyanın ən vacib aspektlərindən birini "risk profilləməsi" kimi müəyyənləşdiririk. Biz başa düşürük ki, risk iştahanız, risk alma qabiliyyətiniz xeyli fərqlənə bilər. Bunun üçün də müştərilərimizə ödənişsiz olaraq risklərin profilini müəyyənləşdirəcək anketi təqdim edirik. Anket investisiya məqsədlərinizi, risk iştahanızı və risk alma qabiliyyətinizi anlamaq üçün xüsusi olaraq hazırlanıb.
Şəxsi sərvətin planlaması
Yeni bir əmlak əldə etmək, təqaüdünüz üçün vəsait ayırmaq və ya övladlarınızın təhsil haqlarını maliyyələşdirmək istəyirsinizsə, şəxsi sərvətin planlaması həllimiz məhz sizin üçündür. Uzunmüddətli planlarınız sizin üçün olduğu qədər bizim üçün də vacibdir. İnvestisiya həllərimiz sizin uzunmüddətli məqsədlərinizə, ehtiyaclarınıza və hədəflərinizə üçün xüsusi olaraq hazırlana bilər. Ehtiyac və məqsədlərinizə əsaslanaraq, sənaye üzrə mütəxəssislərimiz şəxsi balansınızı tərtib edəcək və planlaşdırdığınız aktiv bölgüsünə çatmaq üçün hədəfləriniz üzərində çalışacaq. Sərvətinizin köçürülməsi vacib bir prosesdir və biz gələcəyinizi ehtiyaclarınıza uyğunlaşdırmaq üçün əlimizdən gələni etməyə çalışacağıq.
Əmlakın planlaması
Siz sərvətinizi həyatınız boyu yığmışınız. Komandamız bu aktivlərin qorunub saxlanmasına və onların düzgün idarə olunmasına kömək edə bilər. Sizin və sevdiklərinizin ehtiyaclarına uyğun olacaq fərdi əmlak planının hazırlanması üzərində sizinlə birlikdə çalışacağıq.
Hansı investor növünə aidsiniz?
Hansı investor növünə aid olduğunuzu müəyyən etmək üçün risk profili sorğusunda iştirak etməyiniz xahiş olunur.

Əlaqə: *1230
Ünvan: Yusif Məmmədəliyev küç, 15
Bakı, AZ1005, Azərbaycan